CHELYDRI

CHELYDRI

serpentum genus, apud Sohn. c. 2. Calabria chelydris frequentissima; et Virg. Georgic. l. 2. v. 214.

---- ---- nigris exesa Chelydris

Creta. ---- ----

l. item 3. v. 415.

Disce et odoratum stabulis accendere cedrum,

Galbaneoque agitare graves nidore chelydros:

iidem cum Chersydris, de quibus vide infra. Χέρσυδροτ namque, quod in quis et terris morentur; at χέλυδροι, ab asperitate testudinei tergi, vel quod more testudinis, quae χέλυς dicitur, in aquis terrisque vivant, sunt appellati. Ita quidem Isidorus, Servius, alii recentiores, qui haec duo serpentium genera passim confundunt. At vetustissimi Scriptores distinxêre. Hinc et Lucanus, l. 9. v. 711.

Chersydros, tractique viâ fumante chelydri.

De cuiusmodi Chelydris intelligit Macer,

---- seu terga exspirant fumantia virus,

Seu terra infumat, qua teter labitur anguis.

Est autem Nicandro Χέλυδρος, δρυΐνης, et fortasse a χέλυς et δρῦς nomen habet: at Χέρσυδρος idem quod ὕδρος, qui et in terra degit, etc. Vide Salmas. ad Solin. p. 87.